Like us on Facebook   031 425.19.92  office@e-romnja.ro

Carmen Gheorghe

  carmen.gheorghe@e-romnja.ro

Me sem i prezidenta e Asoćiaciaqi E-Romnja anθar 2012. Sem aktivo anθ-i ćivilo societeta anθar 2008 vi sa kodole berśesθar śirdem te buxlǎrav programurǎ vaś e rromnǎ, ka-o thanutno vi/vaj o themutno nivo. Butikerav e iniciativaqe grupurença e rromnǎnqe vi dav lenqe ilo te andrǎren anθ-e komunitetaqe/soćietetaqe dećizie. Agorisardem o doktoralo programo anθar o SNSPA jekhe ʒuvlikane temaça phandli kaθar i identiteta vi o bidikhlǒveripen e rromnǎnqe anθ-o publiko than. Śerutne umala: o ʒuvlikanipen, e manuśesqe xakaja, politike vaś genderosqi/selikani identiteta, thanutno buxlǎripen vi mobilizacia.

Georgiana Lincan

  georgiana.lincan@e-romnja.ro

Savorre akharen man Aldeza, si man 20 berśa vi sem studenta ka-i Fakulteta palal e Grafeme vi ʒantrimata. Sem anθar e rromenqo khethenipen Cartier anθar o Mizil kaj sem vi thanutni lokhǎrni vaś i Asoćiacia E-Romnja. Ćajlǒl manqe te butikerav zorales vi te siklǒvav neve butǎ. Anθ-o ʒivipen i pakiv vi o patǐvipen si śerutne.

Anca Georgiana Tanase

  anca.tanase@e-romnja.ro

Agorisardem i Fakulteta palal Administracia vi Trampe anθar i Universiteta Bukarest. Si man 28 berśa vi sem rromni. Butikerdem maj but sar 5 berśa e rromença. Andar majo 2014 butikerav and-i E-Romnja. Patǎv vi marav man vaś o barabaripen maśkar e ʒuvlǎ vi e murśa.

Roxana Ionita

  roxana.ionita@e-romnja.ro

Sunt din Bucureşti, am 26 de ani şi sunt licenţiată a Facultăţii de Jurnalism şi Ştiinţele Comunicării din cadrul Universităţii Bucureşti. Încă de la 18 ani activez în ONG-uri pentru etnicii romi şi îmi place ceea ce fac. Şi eu sunt de etnie romă şi sunţin cu tărie că este foarte important ca toţi romii să îşi asume apartenenţa la această etnie,mai ales tinerii, pentru că şi aşa putem diminua stereotipurile negative pe care le au majoritarii faţă de noi. Îmi place să lucrez cu tinerii şi femeile şi consider că problematica lor ar trebui sa fie mai frecventă pe agendele publice. Sunt o persoană activă, îmi place sa merg la teatru, sa fiu înconjurată de prieteni şi de oameni pozitivi.

Cristina Mocanu

  cristina.mocanu@e-romnja.ro

Sem soćiologa, rodutri, jekhe phiravipnaça opral 12 berśa anθ-e studie vi analize dikhindoj o edukaciaqo sistemo, o mangipen vi i oferta vaś e butǎqi zor, kovle grupurǎ anθ-e butǎqi diz, diskriminacia vi bibarabarimata, intersekcionaliteta (gendero vi sel), thanutno vi khethanipnasqo buxlǎripen.

Cristina Ramona Fit

  cristina.fit@e-romnja.ro

Kerav anglethovipnasqe aktiviteturǎ vaś e xakaja e manuśenqe, ʒuvlǎnqe, selikane minoriteturǎnqe vi e aktivone themutnipnasqe. Semas implikisardi anθ-e aktiviteturǎ vaś e studenturenqo ʒalǎripen anθar i Rumunia, ka-o thanutno (anθ-i Timisoara) vi ka-o themutno nivo – anθ-i Themutni Alianca e Studenturenqe Organizacienqi anθar i Rumunia (Alianta Nationala a Organizatiilor Studentesti din Romania). Sem PR vi projekturenqo koordinatoro anθ-i E-Romnja, kaj sem kanaθar fundisardǎs pes. Agorisardem i Fakulteta palal Maśkarthemutne Relacie vi Evropikane Studie anθ-i Uvestutni Universiteta anθar i Timisoara vi o Rumunikano Diplomaciaqo Instituto. Kodolesqe anθ-i fakulteta ćajlilǎs manqe e edukaciaqe politike, akana butikerav sar eksperto vaś publika politike jekhe specializaciaça and-e edukaciaqe internacionalizacia.

Emilia Ion

Agorisardem i Fakulteta palal i Soćiologia vi Socialo Asistenca, i specializacia Socialo Asistenca, andar i Universiteta Bukarest vi o mastero Politike, Gendero vi Minoriteturǎ anθar i SNSPA. Akana sem koordonatoro and-o projekto “Sem jekh modelo vaś i Komuniteta” (Sunt un Model pentru Comunitate), implementisardo katar i Asoćiacia E-Romnja khethanes e Asoćiaciaça “Khethanes vaś o Avutnipen” (Impreuna pentru Viitor) anθ-o Spantov. Mirre umala si: i violenca mamuj e ʒuvlǎ, khethanipnasqo buxlǎripen, e socialo avrećhudipen vi intersekcionaliteta.

Estera Anghel

Agorisardem i Fakulteta palal Maśkarthemutne Relacie vi Evropikane Studie, thaj akana sem studenta anθ-o jekhto berś ka-i Fakulteta palal Soćiologia vi Socialo Asistenca. Sem jekh fundisarno somʒeno e Asoćiaciaqo “Khethanes vaś o Avutnipen”, jekh asoćiacia kaj implementisardǎs maj but projekturǎ ka-o thanutno nivo, projekturǎ so dikhen e komunitetaqo buxlǎripen, edukacia, genderosqo vi ternenqo barabaripen. Akana sem koordonatoro and-o projekto “E ʒuvlǎ lien rig barabarutnes” (Femeile participa egal), jekh projekto thovdo anθ-i aplikacia katar i Asoćiacia E-Romnja khethanes e Asoćiaciaça “Khethanes vaś o Avutnipen” and-o Spantov.

Cosmin Leonard Serban

Agorisardem i Fakulteta palal i Soćiologia – Psixologia vi si man jekh Mastero anθ-e Organizaciaqo Managemento vi Manuśikane Resurse. Sem anθ-o aktivisto ʒalǎripen anθar 2009. Si man jekh kritiko dikhipen vi opreinkerav aktivo o barabaripen maśkar e ʒuvlǎ vi e murśa. Patǎv so e rromnǎ si te aven opreinkerde te kotorlien ćaćes anθ-e khethanimata kaj beśen.